कातिक २०,रामेछाप– रामेछापको लिखु तामाकोसी गाउँपालिकामा सोमबार आत्महत्या गरिएकी भनिएकी झलमाया श्रेष्ठको हत्याको आशंका गरिएको छ । उनले आत्माहत्या गरेको नभइ हत्या गरिएको भन्दै गाउँपालिकाका अध्यक्ष, दुईजना वडाध्यक्षसहितका स्थानीयले प्रहरीमा उजुरी गरेका छन् । लिखु तामाकोशी गाउँपालिका–४ धोबी बजारकी ४० वर्षीया झलमाया श्रेष्ठको शव सोमबार बिहान उनकै घरको धुरीबलोमा झुण्डिएको अवस्थामा फेला परेको थियो । उनलाई हत्यापछि झुण्ड्याएको भन्दै उनका पति धननारायण श्रेष्ठ र सोही स्थानकी गोपिनी कार्कीका विरुद्ध गाउँपालिका अध्यक्ष गोविन्दबहादुर खड्का, वडा नं ३ र ४ का वडाअध्यक्षहरु सहित २३९ जना स्थानियले प्रहरीमा उजुरी दिएको गाउँपालिका अध्यक्ष खड्काले बताए ।

मृतक महिलाले अघिल्लो दिन पतिले कुटपिट गरी मार्न खोजेको भन्दै बचाउन बजारमा हारगुहार गरेकी थिइन् । उनले पतिले आफूलाई मारेर आत्माहत्या गरेको भन्न सक्ने भन्दै बचाउनको लागि स्थानीयलाई अनुरोध गरेकी थिइन् । उनले बजारमा सहयोग मागेको स्थानीयले बताए पनि कसैले प्रहरी कार्यालयमा उजुरी भने नदिएको जिल्ला प्रहरी कार्याल रामेछापका प्रवक्ता शेख अदालतले बताए ।

गाउँपालिका प्रमुख गोबिन्दबहादुर खड्का, वडा नम्बर ३ र ४ का अध्यक्षसहित स्थानीय २ सय ३९ जनाले उनको हत्या भएको हुनसक्ने भन्दै संयुक्त हस्ताक्षर गरी प्रहरीलाई उजुरी गरेपछि धननारायन र गोपिनीलाई प्रहरीले सोमबारै पक्राउ गरेको छ । दुई जना मिलेर उनको हत्या गरेको भन्दै स्थानीयबासिले उनीहरुलाई कालोमोसो लगाउन खोजेका कारण दुबै जनालाई सुरक्षाको लागि पनि नियन्त्रणमा लिनुपरेको प्रहरीले जनाएको छ ।

शवको प्राथमिक स्वास्थ्य केन्द्र मन्थलीमा पोष्टमार्टम भएको छ । श्रेष्ठ र कार्कीलाई पनि अनुसन्धानको लागि जिल्ला प्रहरी कार्यालय रामेछापको हिरासतमा राखिएको छ । पीडित परिवारले शव बुझ्न मानेका छैनन् । गाउँपालिका अध्यक्ष खड्काले उनको हत्या नै भएको बताउँदै यस बारेमा गम्भीर अनुसन्धान गर्नु पर्ने बताए । 
 

रामेछापको भिरपानीमा मोटरसाइकल दुर्घटना, एक युवाको ज्यान गयो

३ वैशाख २०८१, सोमवार रामेछाप– रामेछापको भिरपानीमा मोटरसाइकल दुर्घटना हुँदा चालक मन्थली घर भएका एक जनाको ज्यान गएको छ । पछाडि बस्ने अर्का एक जना

रेणुका मा.वि.बाट एसइई दिने एक विद्यार्थीको लिखु खोलामा डुबेर ज्यान गयो

२३ चैत २०८०, शुक्रवार रामेछाप– रेणुका माध्यामीक विद्यालय हिमगंगा बाट एसइई दिने एक विद्यार्थीको लिखु खोलामा डुबेर ज्यान गएको छ ।  बिहीबार हिमगंगा

ओखलढुङ्गामा उसिनेको अण्डा अड्किएर एक जनाको ज्यान गयो  

१० चैत २०८०, शनिवार रामेछाप– ओखलढुङ्गामा उसिनेको अण्डा खाने क्रममा अड्किएर एक जनाको ज्यान गएको छ । शुक्रवार साँझ रामपुरको एक होटेलमा उसिनेको अण्डा