• ON AIR

जडिबुटीबाट लागुऔषध र रिभल्वरसहित दुई जना पक्राउ

मंसिर ४,काठमाडौं– लागुऔषध र रिभल्वरसहित दुई जना राजधानीबाट पक्राउ परेका छन् । भक्तपुरतर्फबाट मोटरसाइकलमा लागू औषध कारोवार आउँदै छ भन्ने विशेष सूचनाको आधारमा चेक जाँच गर्दा उनीहरु पक्राउ परेका हुन् । पक्राउ पर्नेमा सर्लाहीको लालबन्दी नगरपालिका–३ घर भएका २७ वर्षीय मनपुरण चौधरी र सोही स्थानका २७ वर्षीय भुवन परियार रहेका छन् ।

महानगरीय प्रहरी परिसर काठमाण्डुका प्रवक्ता प्रहरी नायब उपरिक्षक होमिन्द्र वोगटीका अनुसार सूचना पाएपछि महानगरीय प्रहरी वृत्त वानेश्वर, कोटेश्वर र कांडाघारीको प्रहरी टोलीले भक्तपुरबाट आउने नाकाहरुमा चेकप्वाईन्ट राखि चेकजाँच गरेको थियो ।सोही क्रममा मंसिर २ गते करिब साढे ६ बजेको समयमा कामनपा–३२ जडिवुटी ढुङ्गेधारा नजिक ज ११ प ४८६६ नम्बरको मोटरसाइकल रोकी मोटरसाइकलमा सवार व्यक्तीहरुको चेकजाँच गर्दा उनीहरुको साथमा लागुऔषध र रिभल्वर फेला परेको थियो ।

प्रहरीका अनुसार उनीहरुको साथमा ८४० वटा नाईट्रभेट ट्याब्लेट र रिभल्वर थान फेला परेको थियो । दुवैलाई पक्राउ गरी महानगरीय प्रहरी वृत्त वानेश्वरमा वरामद सामानसहित राखिएको छ । हाल काठमाण्डु जिल्ला अदालतबाट लागु औषध र हातहतियार मुद्दामा दिन ५ को म्याद थप गरी थप अनुसन्धान कार्य भइरहेको प्रहरीले जानकारी दिएको छ ।

प्रतिकृया दिनुहोस

सामाजिक सुरक्षा सबैका लागि उपयोगीः प्रधानमन्त्री ओली

काठमाडौँ । प्रधानमन्त्री केपी शर्मा ओलीले सामाजिक सुरक्षा योजनाबाट जन्मेदेखि बाँचुन्जेलसम्मका लागि नागरिकलाई फाइदा पुग्ने बताउनु भएको छ । राजधानी

नेपालमै पहिलोपटक ह्याकर सम्मेलन हुँदै, लाइभ ह्याकिङ हुने

मंसिर ४, काठमाडौं – नेपालमा पहिलो पटक यही मंसिर २२ र २३ गते अन्तर्राष्ट्रिय साइबर सुरक्षा सम्मेलन ‘थ्रेट कोन’ आयोजना हुँदैछ । काठमाडौंको होटल

कुटाइ खाएका ट्याङ्कर चालकको आन्दोलन फिर्ता

मंसिर ४,काठमाडौं– भारतको बरौनीबाट इन्धन ढुवानी ठप्प पारेर आन्दोलनमा उत्रिएका नेपाली ट्याङ्कर चालकले सोमबार साँझदेखि आन्दोलन फिर्ता लिएका छन् ।