२५१ औँ विजयोत्सवको अवसरमा सिन्धुलीगढी किल्लाको पुनर्निर्माणको उद्घोष
कात्तिक २५,सिन्धुली– साम्राज्यबादी व्रिटिस अंग्रेज फौजलाई ऐतिहासिक सिन्धुलीगढी किल्लामा नेपाली वीर गोर्खाली सेनाहरुले परास्त गरेको शनिवार २५१ वर्ष पुरा भएको छ । व्रिटिस अंग्रेज फौजसंगको युद्धलाई जितेको २५१ वर्षपछि ऐतिहासिक सिन्धुलीगढी किल्लाको पुनर्निर्माणको उद्घोष समेत शनिवार नै गरिएको छ । सिन्धुलीगढीमा आयोजित विजय उत्सव कार्यक्रममा नेपाल सरकारका संस्कृति पर्यटन तथा नागरीक उड्यान मन्त्री रविन्द्र अधिकारीले साम्राज्यबादी व्रिटिस अंग्रेज फौजसंगको युद्धलाई जितेको २५१ वर्षपछि ऐतिहासिक सिन्धुलीगढी किल्लाको पुनर्निर्माणको उद्घोष गरेका हुन ।
मन्त्री अधिकारीले सिन्धुलीगढीमा नेपालको राष्ट्रिय झण्डा झण्डोत्तलन गर्दै देशकै प्रमुख पर्यटन गन्तब्यका रुपमा विकास गर्नेगरी सिन्धुलीगढी क्षेत्रको पुनर्निर्माण अभियानको थालनी भएको उद्घोष गरेका छन्। मन्त्री अधिकारीले पुनर्निर्माणका लागि एक साताभित्रै टेण्डरको आह्वान गर्न स्थानीय सरकारको रुपमा रहेको कमलामाई नगरपालिकालाई निर्देशन समेत दिएका छन् । मन्त्री अधिकारले सगरमाथाको भन्दा पनि उच्च गरिमा रहेको सिन्धुलीगढीको ऐतिहासिक महत्व अनुसार नै पुनर्निर्माण गरिने बताउदै गढी किल्ला र गढी दरबारको पुनर्निर्माणका लागि लाग्ने बजेटको अभाव नहुने प्रष्ट पारे ।मन्त्री अधिकारले प्रकृया पुरा गरेर आगामी दुई वर्ष्भित्रै सम्पन्न गर्ने गरी एक हप्ताभित्रै टेण्डरको आह्वान गर्न कमलामाई नगरपालिकालाइ आग्रह गरेका छन् । यदीप्रक्रिया पुरा गर्न समय लागेमा ढिलोमा एक महिनाभित्र टेण्डर गरिसक्न निर्देशन दिएका छन् ।
मन्त्री अधिकारीले नेपाली भुमि हडप्दै नेपाललाई पनि उपनिवेश बनाउँन आएका अंग्रेज फौजलाई परास्त गरेर नेपाल र नेपालीको शिर उच्चा राख्न सफल ऐतिहासिक सिन्धुलीगढी किल्ला अव देशकै प्रमुख पर्यटकीय गन्तब्य बनाउँन केन्द्रीय सरकार प्रतिबद्ध भएको जनाए । सिन्धुलीगढीको पुनर्निर्माणका लागि कमलामाई नगरपालिकाको पहलमा गैर आजासी नेपाली संघले (एनआरएन) हालैमात्र गुरुयोजना निर्माण गरी नगरपालिकालाई हस्तान्तरण गरि सकेको छ । उक्त गुरुयोजनामा सिन्धुलीगढीको पुनर्निर्माणका लागि १७ करोड रुपैयाँ लाग्ने उल्लेख गरिएको छ । सिन्धुलीगढी किल्ला नेपाली विर गोरखालीहरुको फौजको नेतृत्व गर्ने श्रीहर्ष पन्त, बंशराज पाण्डे र बंशु गुरुङले विसं १८२४ कात्तिक २४ गतेका दिन साम्राज्यबादी व्रिटिस अंग्रेज फौजलाइ हराएको ऐतिहासिक स्थल हो ।
इलाम २ मा एमालेका सुहाङ नेम्वाङ विजयी
१८ वैशाख २०८१, मंगलवार रामेछाप– इलाम क्षेत्र नं. २ बाट नेकपा एमालेका सुहाङ नेम्वाङ निर्वाचित हुनुभएको छ । नेम्वाङले २७ हजार ७ सय ७२ मत प्राप्त गरी
अलपत्र आयोजनाप्रति गृह मन्त्रालयको एक्सन, विवरण पठाउन जिल्ला प्रशासन कार्यालयलाई निर्देशन
१४ वैशाख २०८१, शुक्रवार रामेछाप– अलपत्र आयोजनाप्रति गृह मन्त्रालयले एक्सन लिएको छ । मन्त्रालयले सबै जिल्ला प्रशासन कार्यालयलाई अलपत्र आयोजनाको
२८ जना सहसचिवको सरुवा, भरतपुर र ललितपुरका प्रमुख प्रशासकीय अधिकृत पनि फेरिए
१४ वैशाख २०८१, शुक्रवार रामेछाप– सरकारले २८ जना सहसचिवको एकै पटक सरुवा गरेको छ । मन्त्रिपरिषद् बैठकले २८ जना सहसचिव सहति २ महानगरपालिकाका प्रमुख
प्रतिकृया दिनुहोस