• ON AIRतिफदी समाचार
  • हिन्दी गितहरु

यसवर्षको जगदिश स्मृति पुरस्कार रोचक घिमिरेलाई

पौष २२,रामेछाप- यसवर्षको जगदिश स्मृति पुरस्कार साहित्यकार रोचक घिमिरेलाई प्रदान गरिएको छ । बरिष्ठ साहित्यकार, पत्रकार तथा समाजसेवि स्वर्गीय जगदिश घिमिरेको स्मृतिमा शनिबार रामेछाप सदरमुकाम मन्थलीमा आयोजना गरिएको पाँचौ साहित्यिक सभाको अवसरमा रोचक घिमिरेलाई जगदिश स्मृति पुरस्कार प्रदान गरिएको हो । नेपाली भाषा, साहित्य र साहित्यक पत्रकारिताको क्षेत्रमा रहि विगत ६ दशकदेखि नेपाली वाङ्मयको श्रीबृद्धिमा उल्लेखनीय योगदान गरेको भन्दै रोचकलाई ५१ हजार नगद र प्रसंसा पत्र सहितको जगदिश स्मृति पुरस्कार प्रदान गरिएको हो । 


सोही कार्यक्रमकाबीच नेपाल प्रज्ञा प्रतिष्ठानद्धारा प्रकाशित जगदिश घिमिरेका प्रतिनिधि कथाहरु नामक पुस्तकको पनि बिमोचित गरिएको छ । साहित्यकार महेश प्रसाईद्धारा सम्पादीत उक्त पुस्तकको बिमोचन मन्थली नगरपालिकाका प्रमुख रमेशकुमार बस्नेतले गरेका हुन् । कार्यक्रममा स्थानीय र राष्ट्रिय स्तरका स्रस्टाहरुले रचना प्रस्तुत गरेका थिए । आफ्ना रचना प्रस्तुत गर्दै अधिकांस सर्जगहरुले ३ लालको जिल्ला भनेर चिनिने रामेछाप जिल्लालाई जगदिश घिमिरेको नाम थपेर ४ लालको जिल्ला घोषणा गर्नुपर्ने माग गरे । 

 

कार्यक्रमलाई संबोधन गर्दै मन्थली नगरपालिकाका प्रमुख रमेशकुमार बस्नेतले जगदिश घिमिरेलाई चौथो लालको रुपमा चिनाउन आपूmले सकेको पहल गर्ने प्रतिबद्धता ब्यक्त गरे । कला र साहित्यको क्षेत्रमा नगरपालिकाले सक्दो सहयोग गर्ने बताउँदै यस्ता समारोहमा बाचन गरिएका सबै खालका रचनाहरुलाई संकलन गरि पुस्तकको रुपमा प्रकाशन गर्नका लागि आवश्यक सहयोग गर्ने पनि बस्नेतले बताए । स्वर्गीय जगदिश घिमिरेको सम्झनामा स्थापना गरिएको जगदिश घिमिरे प्रतिष्ठानले हरेक वर्ष नेपाली साहित्यमा योगदान दिने एक जना श्रष्टालाई पुरस्कृत गर्दै आएको छ । 
 

प्रतिकृया दिनुहोस

स्व.जगदिश घिमिरेको सम्झनामा साहित्यिक सम्मेलन हुने

पुष २०,मन्थली– रामेछाप जिल्लां सदरमुकाम मन्थलीमा शनिवार १ दिने  सहित्यीक सम्मेलन हुने भएको छ । जगदिश घिमिरे प्रतिष्ठानको आयोजनामा शनिवार

रामेछाप साँस्कृतिक कलाकार समाजद्धारा पत्रकार तथा कलाकारलाई सम्मान

काठमाडौं– रामेछाप साँस्कृतिक कलाकार समाजले दशै तिहार शुभकामना आदान प्रदान तथा श्रष्टा सम्मान कार्यक्रमा गरेको छ ।राजधानीको सामाखुसी स्थित स्काई

१५३ औँ मोती जयन्ती मनाइदै 

भाद्र २४,काठमान्डौ– आज राष्ट्रिय विभूति युवाकवि मोतीराम भट्टको १५३ औँ जन्मजयन्ती विभिन्न साहित्यिक कार्यक्रमको आयोजना गरी मनाइँदैछ । विसं १९२३