२९ असोज २०८३, बिहिवार
रामेछाप– चौथो रामेछाप कप फुटबल प्रतियोगिताको उपाधि आयोजक दिपशिखा ब्वाइज युनाइटेड क्लबले जितेको छ । मन्थलीमा बिहीबार भएको रोमाञ्चक तथा प्रतिस्पर्धात्मक फाइनल खेलमा न्यु स्टार कुनौरीलाई १–० गोल अन्तरले पराजित गर्दै दिपशिखा च्याम्पियन भएको हो ।
प्रतियोगिताको उपाधिसँगै विजेता भएको दिपशिखाले नगद ३ लाख ३३ हजार ३३३ रुपैयाँसहित शिल्ड, मेडल र प्रमाणपत्र प्राप्त गरेको छ । त्यस्तै, उपविजेता भएको न्यु स्टार कुनौरीले नगद १ लाख ५१ हजार १११ रुपैयाँसहित शिल्ड, मेडल र प्रमाणपत्र प्राप्त ग¥यो ।
प्रतियोगितामा व्यक्तिगत विधातर्फ दिपशिखाका सविन खड्का उत्कृष्ट खेलाडी, न्यु स्टारका सुदर्शन श्रेष्ठ उत्कृष्ट डिफेन्डर, रिभर साइडका सुदीप मगर सर्वाधिक गोलकर्ता, दिपशिखाका रेम्बो चौधरी उत्कृष्ट गोलरक्षक र दीपेश कार्की उत्कृष्ट प्रशिक्षक घोषित भएका छन् । उत्कृष्ट भएका यी खेलाडी तथा प्रशिक्षकहरूले जनही ५ हजार रुपैयाँसहित शिल्ड, मेडल र प्रमाणपत्र प्राप्त गरेका छन् ।
गत असोज २६ गतेदेखि मन्थलीमा सुरु भएको यस प्रतियोगितामा कुल १० वटा टोलीहरूको सहभागिता रहेको थियो । प्रतियोगिताको समापन समारोहमा मन्थली नगरपालिकाका प्रमुख लव श्रेष्ठ र लिखु तामाकोशी गाउँपालिकाका अध्यक्ष केशव महतले संयुक्त रूपमा विजेता तथा उपविजेता खेलाडीहरूलाई पुरस्कार वितरण गरेका थिए । 
 

बडा दशैं अवसरमा धोबीमा विविध प्रतियोगिता आयोजना हुने

२१ असोज २०८३, बुधवार रामेछाप– बडा दशैं २०८३ को अवसरमा रामेछापको धोबीमा विभिन्न मनोरञ्जनात्मक तथा सिर्जनात्मक प्रतियोगिता आयोजना हुने भएको छ ।

दोरम्बा शैलुङलाई हराउँदै सुनापतिले जित्यो मैत्रीपूर्ण फुटबलको उपाधि

१८ असोज २०८३, आइतवार रामेछाप— खेलकुदका माध्यमबाट स्थानीय तहबीच आपसी मित्रता, सहकार्य र सद्भाव अभिवृद्धि गर्ने उद्देश्यले आयोजित एकदिवसीय

रामेछापमा तीनदिने राष्ट्रपति रनिङ शिल्ड प्रतियोगिता हुने

२९ कार्तिक २०८२, शनिवार रामेछाप– “स्वास्थ्यका लागि खेलकुद, राष्ट्रका लागि खेलकुद” भन्ने मूल नाराका साथ रामेछाप नगरपालिकामा यस वर्षको