७ कार्तिक २०८३ शनिवार
रामेछाप– रामेछापको सुनापति गाउँपालिकामा स्थानीयस्तरमा खेलकुदको विकास, खेलाडीको प्रतिभा पहिचान र युवाबीच आपसी एकता अभिवृद्धि गर्ने उद्देश्यसहित प्रथम सुनापति गाउँपालिका वडा कप–२०८३ सुरु भएको छ । प्रतियोगिताको उद्घाटनसँगै पहिलो दिन चार खेल सम्पन्न भएका छन् । सुनापति गाउँपालिका–२ को युवा तथा खेलकुद व्यवस्थापन समितिको आयोजनामा सञ्चालन भएको प्रतियोगिताको उद्घाटन गाउँपालिका अध्यक्ष ठूलो कान्छा तामाङले खेलाडीलाई बल हस्तान्तरण गरेर गर्नुभएको हो । प्रतियोगितामा विभिन्न स्थानका टिमको सहभागिता रहेको छ । प्रतियोगिताको पहिलो दिन सम्पन्न खेलमा खाँडादेवीको टिमले आयोजक टिमलाई पराजित गर्दै विजयी सुरुआत गरेको छ । प्रतिस्पर्धात्मक रूपमा सञ्चालन भएका खेलमा सहभागी टिमले आफ्नो खेलकौशल प्रदर्शन गरेका थिए ।
त्यसैगरी, दोस्रो खेलमा खाँडादेवी गाउँपालिका वडा नं. ४ को टिमले वडा नं. ५ को टिमलाई पराजित गरेको छ। तेस्रो खेलमा सुनापति गाउँपालिका वडा नं. ३ को आरबी सप्लायर्सले खाँडादेवी गाउँपालिका वडा नं. १ राकाथुमको टिमलाई हराउँदै जित निकालेको छ । पहिलो दिनको चौथो तथा अन्तिम खेलमा दोरम्बा शैलुङ गाउँपालिकाको कोम्हेन्दो तामाङ समाजले सुनापति गाउँपालिका वडा नं. १ गुन्सीको टिमलाई पराजित गरेको छ। यससँगै प्रतियोगिताको पहिलो दिन चार टिमले जित हासिल गरेका छन् ।
वडा नं. २ को युवा तथा खेलकुद व्यवस्थापन समितिले आयोजना गरेको प्रतियोगिताले स्थानीयस्तरमा लुकेर रहेका खेल प्रतिभालाई पहिचान तथा प्रोत्साहन गर्न सहयोग पुग्ने अपेक्षा गरिएको छ । साथै, खेलकुदमार्फत विभिन्न वडा तथा स्थानीय तहका युवाबीच आपसी सम्बन्ध सुदृढ बनाउने, अनुशासनको भावना विकास गर्ने र स्वस्थ प्रतिस्पर्धाको संस्कार स्थापित गर्ने लक्ष्य राखिएको छ । स्थानीय तहमा आयोजना हुने यस्ता प्रतियोगिताले खेलाडीलाई आफ्नो क्षमता प्रदर्शन गर्ने अवसर प्रदान गर्नुका साथै समुदायमा खेलकुदप्रतिको आकर्षण बढाउन मद्दत गर्ने विश्वास गरिएको छ । प्रतियोगिताको उद्घाटन समारोहमा स्थानीय जनप्रतिनिधि, अतिथि तथा खेलप्रेमी दर्शकको उपस्थिति रहेको थियो। प्रतियोगिताका आगामी खेलमा सहभागी टिमबीच प्रतिस्पर्धा जारी रहने आयोजकले जनाएको छ ।
 

रामेछाप कपको उपाधि आयोजक दिपशिखा ब्वाइज युनाइटेडलाई, न्यु स्टार उपविजेता

२९ असोज २०८३, बिहिवार रामेछाप– चौथो रामेछाप कप फुटबल प्रतियोगिताको उपाधि आयोजक दिपशिखा ब्वाइज युनाइटेड क्लबले जितेको छ । मन्थलीमा बिहीबार भएको

एनसीसी तालिममा रामेछापका विद्यालयको उत्कृष्ट नतिजा, पटनादेवी बन्यो प्रथम

२८ असोज २०८३, बुधबार रामेछाप- नेपाली सेनाद्वारा सञ्चालित राष्ट्रिय सेवा दल (एनसीसी) को सि.सं. ५२ जुनियर डिभिजन क्याडेट तालिमअन्तर्गत आयोजित वार्षिक

खिम्ती ग्रामीण विद्युत सहकारीद्वारा ई–सेवा मार्फत महसुल भुक्तानी सुरु

२८ असोज २०८२, बुधबार रामेछाप-  खिम्ती ग्रामीण विद्युत तथा सहकारी संस्थाले विद्युत महसुल भुक्तानी प्रक्रियालाई सहज, सरल र प्रविधिमैत्री बनाउने